من اخطرو أشهر رجل مافيا في ايطاليا الى داعية للإسلام

من اخطر و أشهر رجل مافيا في ايطاليا الى داعية للإسلام

Vince focarelli 

من اخطر و أشهر رجل مافيا في ايطاليا الى داعية للإسلام

(الإسم: (فينس فوكلاري

أخطر زعيم مافيا في إيطاليا و اوروبا الغربية(كان) , كيما كانعرفو ماشي غير اواجي ودخل ولا كون مافيا  بساهل!.. لمهم راك كاتحلم ..ولا تحدثنا عن الأمر وعطيناه قيمة كبيرة فلأمر يستحق

على اي هاد سيد زعيم كبير خصوصا فلمفيوزي طالياني وما أدراك يا طالياني  شايلاه اسي الباتشينو مول جويجة ..60% ديال بنادم تقوليه المافيا يلوحك لطاليان ولا روسيا بيه مفرج فجوج افلام ديالهم  عمرو قرأ ولا بحث فهاد المجال ما نكروش المافيا الإطالية والروسية لها وزنها ،ولكن ماشي هوما أصل تنظيم هوما عا ناقلين .. أصل المافيا أعزائي made in jabinis أي صنعت في اليابان ومن منا لا يعرف الياكوزا احبائي أول عصابة مافيا في تاريخ أنشأت من طرف الصاموراي ..... ماشي موضوعنا هذا فقط بغيت نعطيكم نبدة صغيرة حول الموضوع ومخاطره ..ولا عندكم شي فضول من بعد نتحدث ليكم فلأمر عن كثب.

وبعد كما قلنا من قبل أن هاد تنظيمات زعمائها دائما في دائرة الخطر فأي وقت معرضين للقتل، شتانا الى كان داك زعيم من الكوادر في أوروبا ماشي عا إطاليا هادشي لي خلاه دائم الحرس على سلامته هو ومن حوله ديما مسلح وبحراسو ..ورغم ذالك تعرض لي 6محاولات لإغتياله أو مانجحات حتى وحدة ، زيد عليها بما فيها المحاولة الي تقتل فيها ولدو . وهنا نقطة التحول

ماي فقد الإبن ديالو غير مسار حياته كاملة وأسلم !كيفاش أسمع احفيد قردة شبنزي فقط بعد أن قرأ القرآن وتدبر في كلماته، شعر وحس أن أشياء كثيرة كتخاطبو فداك الكتاب (القرآن الكريم ) بخصوص حياتو .. هنا انتها بتحوله للاسلام و سمى نفسو (عبدالسلام ).

وأضاف.. قال: عندما قرأت هذه الآية (وَلِكُلِّ أُمَّةٍ أَجَلٌ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ)، كنت متأثراً جداً، وهادشي الخوت بقولو بغض النظر عن أنو كان رجل عصابة أو غيره، وهلى هذا سلم أن أجل إبنو قد حان ذاك اليوم.

الأخ عبدالسلام بعدما كان رجل عصابة كايهابوه الناس كولشي حتى رجال الشرطة لبوليس اوليدي  و كان بلطجي شويا كايتعدا على الناس , لمهم بعد اسلامه إفتتح مطعم في شارع كارينجتون وكايطعم منو المتشردين قالك الآلاف كايجوه وخا هكاك قال انو كايخرج يلود عليهم فأي مكان باش يطعمهم، لبغا الأجر الخوت كايلود عليه فينما كان، زيد على ذالك كيتبرع لدوك المشردين و لمحتاجين (فلوس مال ماكلة..).

ماش غير دخل لدين الحق ولتزم به لوحدو لا ، مشا كايعاد قصة اسلامه وحياتو كيفاش تحولات من ضلالة الى نور وبسبابو دخل الإسلام الكثير من الأشخاص بما فيهم اصدقائه السابقين (شلة) و اتباعه في العصابة و حتى زوجتو الى رفضات في البداية الدخول في الاسلام و لكنها قبلت بالدخول بعد عدة اشهر ،علاه تقد تقول لا ما عرفت إلى زغبها الله .

حيث قالت ان زوجها سيهم فينس سابقا قبل الاسلام كان يخونها مع بزاف نساء و كيتهلا فيها بلعصى ..كايضربها يوميا و يعركها شرابات مكاين عا قرعة تزدح قرعة دائما لكن بعد اسلامو تغير تماما و اصبح ودودا ☺و تخلى عن الإدمان ديالو.. الكحول و المخدرات و اصبح ودودا معها و هادشي لجعلها تتخلى عن فكرة الانفصال عنو و الدخول الى الاسلام ( سبحانك ربي دين الإسلام أحبتي دين تعامل وحترام ) ويقول عبدالسلام : ( الاسلام جعلني اولد من جديد ..ولا يمكنني ان اصور لكم كم السعادة و الرضى الذي يملئ قلبي بعد اعتناقي للاسلام )

بعد داك سولوه واش سامحت قاتل ولدك قالهم لا وقال بعد دالك ملي تعرفت على هاد دين العظيم سامحته 

وكإضافة سولوه قالو ليه كنت دائم الحرس ودائم الخوف من الموت دابا تخليتي على لحرس ديالك واش متخافش تمشي بوحدك عادي تكون دائم الإلتفات للخلف ...

قال:نعم لكن الآن والحمد لله لا أخاف أحد سوى الله الأحد الأحد لم ألتف ولا مرة وإن تم قتلي فالحمد لله فأنا على دين الحق فمرحا بها إن أتت فأنا لا أخاف الموت 

سبحانك ربي سبحانك سبحانك ما أعظم شأنك.. تهدي من تشاء في شرار القوم ==> وانت على كل شيء قدير

فضلا وليس أمرا قريتي المنشور خلي معاك تعليق لإخوة باش يطلع ليهم. 

تحياتي..